āditye 'staṃgate śrīmān saṃdhyākāla upasthite
hatvā saṃśaptakavrātān divyair astraiḥ kapidhvajaḥ
gacchann eva ca govindaṃ sannakaṇṭho 'bhyabhāṣata
spandanti cāpy aniṣṭāni gātraṃ sīdati cācyuta
bhuvi yad dikṣu cāpy ugrā utpātās trāsayanti mām
api svasti bhaved rājñaḥ sāmātyasya guror mama
mā śucaḥ kiṃ cid evānyat tatrāniṣṭaṃ bhaviṣyati
kathayantau raṇe vṛttaṃ prayātau ratham āsthitau
vāsudevo 'rjunaś caiva kṛtvā karma suduṣkaram
bībhatsur abravīt kṛṣṇam asvasthahṛdayas tataḥ
miśrā dundubhinirghoṣaiḥ śaṅkhāś cāḍambaraiḥ saha
vīṇā vā nādya vādyante śamyātālasvanaiḥ saha
stutiyuktāni ramyāṇi mamānīkeṣu bandinaḥ
karmāṇi ca yathāpūrvaṃ kṛtvā nābhivadanti mām
na hi śudhyati me bhāvo dṛṣṭvā svajanam ākulam
sarveṣāṃ caiva yodhānāṃ sāmagryaṃ syān mamācyuta
raṇād āyāntam ucitaṃ pratyudyāti hasann iva
dadṛśāte bhṛśāsvasthān pāṇḍavān naṣṭacetasaḥ
apaśyaṃś caiva saubhadram idaṃ vacanam abravīt
na cābhimanyuṃ paśyāmi na ca māṃ pratinandatha
na ca vas tasya bhettāsti ṛte saubhadram āhave
kaccin na bālo yuṣmābhiḥ parānīkaṃ praveśitaḥ
kaccin na nihataḥ śete saubhadraḥ paravīrahā
upendrasadṛśaṃ brūta katham āyodhane hataḥ
sadā mama priyaṃ brūta katham āyodhane hataḥ
ambāyāś ca priyaṃ nityaṃ ko 'vadhīt kālacoditaḥ
vikramaśrutamāhātmyaiḥ katham āyodhane hataḥ
yadi putraṃ na paśyāmi yāsyāmi yamasādanam
mattadviradavikrāntaṃ śālapotam ivodgatam
bālye 'py abālakarmāṇaṃ priyavākyam amatsaram
bhaktānukampinaṃ dāntaṃ na ca nīcānusāriṇam
yuddhābhinandinaṃ nityaṃ dviṣatām aghavardhanam
na ca pūrvaprahartāraṃ saṃgrāme naṣṭasaṃbhramam
yadi putraṃ na paśyāmi yāsyāmi yamasādanam
apaśyatas tad vadanaṃ kā śāntir hṛdayasya me
aśṛṇvataḥ svanaṃ tasya kā śāntir hṛdayasya me
apaśyato 'dya vīrasya kā śāntir hṛdayasya me
nādyāhaṃ yadi paśyāmi kā śāntir hṛdayasya me
bhūmāv anāthavac chete nūnaṃ nāthavatāṃ varaḥ
tam adya vipraviddhāṅgam upāsanty aśivāḥ śivāḥ
bodhayanty adya taṃ nūnaṃ śvāpadā vikṛtaiḥ svaraiḥ
nūnam adya rajodhvastaṃ raṇe reṇuḥ kariṣyati
bhāgyahīnasya kālena yathā me nīyase balāt
svabhābhir bhāsitā ramyā tvayātyarthaṃ virājate
śatakratur dhaneśaś ca prāptam arcanty abhīrukam
duḥkhena mahatāviṣṭo yudhiṣṭhiram apṛcchata
svargato 'bhimukhaḥ saṃkhye yudhyamāno nararṣabhaḥ
asahāyaḥ sahāyārthī mām anudhyātavān dhruvam
iti vipralapan manye nṛśaṃsair bahubhir hataḥ
subhadrāyāṃ ca saṃbhūto naivaṃ vaktum ihārhati
apaśyato dīrghabāhuṃ raktākṣaṃ yan na dīryate
svasrīye vāsudevasya mama putre 'kṣipañ śarān
upayāntaṃ ripūn hatvā so 'dya māṃ kiṃ na paśyati
śobhayan medinīṃ gātrair āditya iva pātitaḥ
subhadrā vakṣyate kiṃ mām abhimanyum apaśyatī
draupadī caiva duḥkhārte te ca vakṣyāmi kiṃ nv aham
sahasradhā vadhūṃ dṛṣṭvā rudatīṃ śokakarśitām
yuyutsuś cāpi kṛṣṇena śruto vīrān upālabhan
kiṃ nadadhvam adharmajñāḥ pārthe vai dṛśyatāṃ balam
siṃhavan nadata prītāḥ śokakāla upasthite
adharmo hi kṛtas tīvraḥ kathaṃ syād aphalaś ciram
apāyāc chastram utsṛjya kopaduḥkhasamanvitaḥ
adhakṣyaṃ tān ahaṃ sarvāṃs tadā krūrān mahārathān
maivam ity abravīt kṛṣṇas tīvraśokasamanvitam
kṣatriyāṇāṃ viśeṣeṇa yeṣāṃ yuddhena jīvikā
vihitā dharmaśāstrajñair gatir gatimatāṃ vara
gataḥ puṇyakṛtāṃ lokān abhimanyur na saṃśayaḥ
saṃgrāme 'bhimukhā mṛtyuṃ prapnuyāmeti mānada
vīrair ākāṅkṣitaṃ mṛtyuṃ saṃprāpto 'bhimukho raṇe
dharmakṛdbhiḥ kṛto dharmaḥ kṣatriyāṇāṃ raṇe kṣayaḥ
tvayi śokasamāviṣṭe nṛpāś ca suhṛdas tava
viditaṃ veditavyaṃ te na śokaṃ kartum arhasi
tato 'bravīt tadā bhrātṝn sarvān pārthaḥ sagadgadān
abhimanyur yathā vṛttaḥ śrotum icchāmy ahaṃ tathā
saṃgrāme sānubandhāṃs tān mama putrasya vairiṇaḥ
saubhadro nidhanaṃ gacched vajriṇāpi samāgataḥ
putrasya pāṇḍupāñcālān mayā gupto bhavet tataḥ
nīto 'bhimanyur nidhanaṃ kadarthīkṛtya vaḥ paraiḥ
yatrābhimanyuḥ samare paśyatāṃ vo nipātitaḥ
yuṣmān ājñāya niryāto bhīrūn akṛtaniśramān
vācaś ca vaktuṃ saṃsatsu mama putram arakṣatām
na smāśakyata bībhatsuḥ kena cit prasamīkṣitum
putraśokābhisaṃtaptam aśrupūrṇamukhaṃ tadā
anyatra vāsudevād vā jyeṣṭād vā pāṇḍunandanāt
bahumānāt priyatvāc ca tāv enaṃ vaktum arhataḥ
rājīvalocanaṃ kruddhaṃ rājā vacanam abravīt