saṃdhyā samabhavad ghorā nāpaśyāma tato raṇam
vadhyamānaṃ balaṃ cāpi bhīṣmeṇāmitraghātinā
bhīṣmaṃ ca yudhi saṃrabdham anuyāntaṃ mahārathān
cintayitvā ciraṃ dhyātvā avahāram arocayat
tathaiva tava sainyānām avahāro hy abhūt tadā
nyaviśanta kuruśreṣṭha saṃgrāme kṣatavikṣatāḥ
nālabhanta tadā śāntiṃ bhṛśaṃ bhīṣmeṇa pīḍitāḥ
pūjyamānas tava sutair vandyamānaś ca bhārata
tato rātriḥ samabhavat sarvabhūtapramohinī
sṛñjayāś ca durādharṣā mantrāya samupāviśan
mantrayām āsur avyagrā mantraniścayakovidāḥ
vāsudevaṃ samudvīkṣya vākyam etad uvāca ha
gajaṃ nalavanānīva vimṛdnantaṃ balaṃ mama
lelihyamānaṃ sainyeṣu pravṛddham iva pāvakam
tathā bhīṣmo raṇe kṛṣṇa tīkṣṇaśastraḥ pratāpavān
śakyo jetuṃ yamaḥ kruddho vajrapāṇiś ca devarāṭ
na tu bhīṣmaḥ susaṃkruddhaḥ śakyo jetuṃ mahāhave
ātmano buddhidaurbalyād bhīṣmam āsādya saṃyuge
na yuddhaṃ rocaye kṛṣṇa hanti bhīṣmo hi naḥ sadā
ekato mṛtyum abhyeti tathāhaṃ bhīṣmam īyivān
bhrātaraś caiva me śūrāḥ sāyakair bhṛśapīḍitāḥ
parikliṣṭā tathā kṛṣṇā matkṛte madhusūdana
jīvitasyādya śeṣeṇa cariṣye dharmam uttamam
svadharmasyāvirodhena tad udāhara keśava
pratyuvāca tataḥ kṛṣṇaḥ sāntvayāno yudhiṣṭhiram
yasya te bhrātaraḥ śūrā durjayāḥ śatrusūdanāḥ
mādrīputrau ca vikrāntau tridaśānām iveśvarau
tvatprayukto hy ahaṃ rājan kiṃ na kuryāṃ mahāhave
paśyatāṃ dhārtarāṣṭrāṇāṃ yadi necchati phalgunaḥ
hantāsmy ekarathenādya kuruvṛddhaṃ pitāmaham
vimuñcantaṃ mahāstrāṇi pātayiṣyāmi taṃ rathāt
madarthā bhavadarthā ye ye madīyās tavaiva te
māṃsāny utkṛtya vai dadyām arjunārthe mahīpate
eṣa naḥ samayas tāta tārayema parasparam
sa māṃ niyuṅkṣva rājendra yāvad dvīpo bhavāmy aham
ghātayiṣyāmi gāṅgeyam ity ulūkasya saṃnidhau
anujñātaṃ tu pārthena mayā kāryaṃ na saṃśayaḥ
nihaniṣyati saṃgrāme bhīṣmaṃ parapuraṃjayam
tridaśān vā samudyuktān sahitān daityadānavaiḥ
nihanyād arjunaḥ saṃkhye kim u bhīṣmaṃ narādhipa
bhīṣmaḥ śāṃtanavo nūnaṃ kartavyaṃ nāvabudhyate
sarve hy ete na paryāptās tava veganivāraṇe
yasya me puruṣavyāghra bhavān nātho mahābalaḥ
tvayā nāthena govinda kim u bhīṣmaṃ mahāhave
ayudhyamānaḥ sāhāyyaṃ yathoktaṃ kuru mādhava
mantrayiṣye tavārthāya na tu yotsye kathaṃ cana
duryodhanārthe yotsyāmi satyam etad iti prabho
tasmād devavrataṃ bhūyo vadhopāyārtham ātmanaḥ
bhavatā sahitāḥ sarve pṛcchāmo madhusūdana
rucite tava vārṣṇeya mantraṃ pṛcchāma kauravam
yathā sa vakṣyate kṛṣṇa tathā kartāsmi saṃyuge
bālāḥ pitrā vihīnāś ca tena saṃvardhitā vayam
pituḥ pitaram iṣṭaṃ vai dhig astu kṣatrajīvikām
rocate me mahābāho satataṃ tava bhāṣitam
gamyatāṃ sa vadhopāyaṃ praṣṭuṃ sāgaragāsutaḥ
vaktum arhati satyaṃ sa tvayā pṛṣṭo viśeṣataḥ
praṇamya śirasā cainaṃ mantraṃ pṛcchāma mādhava
sa no dāsyati yaṃ mantraṃ tena yotsyāmahe parān
jagmus te sahitāḥ sarve vāsudevaś ca vīryavān
vimuktaśastrakavacā bhīṣmasya sadanaṃ prati
pūjayanto mahārāja pāṇḍavā bharatarṣabha
praṇamya śirasā cainaṃ bhīṣmaṃ śaraṇam anvayuḥ
svāgataṃ tava vārṣṇeya svāgataṃ te dhanaṃjaya
svāgataṃ dharmaputrāya bhīmāya yamayos tathā
sarvātmanā ca kartāsmi yady api syāt suduṣkaram
uvāca vākyaṃ dīnātmā dharmaputro yudhiṣṭhiraḥ
prajānāṃ saṃkṣayo na syāt kathaṃ tan me vadābhibho
bhavantaṃ samare rājan viṣahema kathaṃ vayam
maṇḍalenaiva dhanuṣā sadā dṛśyo 'si saṃyuge
paśyāmas tvā mahābāho rathe sūryam iva sthitam
ka ivotsahate hantuṃ tvāṃ pumān bharatarṣabha
kṣayaṃ nītā hi pṛtanā bhavatā mahatī mama
bhavet sainyasya vā śāntis tan me brūhi pitāmaha
na kathaṃ cana kaunteya mayi jīvati saṃyuge
yuṣmāsu dṛśyate vṛddhiḥ satyam etad bravīmi vaḥ
kṣipraṃ mayi praharata yadīcchatha raṇe jayam
anujānāmi vaḥ pārthāḥ praharadhvaṃ yathāsukham
hate mayi hataṃ sarvaṃ tasmād evaṃ vidhīyatām
bhavantaṃ samare kruddhaṃ daṇḍapāṇim ivāntakam
na bhavān samare śakyaḥ sendrair api surāsuraiḥ
nāhaṃ śakyo raṇe jetuṃ sendrair api surāsuraiḥ
nyastaśastraṃ tu māṃ rājan hanyur yudhi mahārathāḥ
dravamāṇe ca bhīte ca tavāsmīti ca vādini
aprasūte ca duṣprekṣye na yuddhaṃ rocate mama
amaṅgalyadhvajaṃ dṛṣṭvā na yudhyeyaṃ kathaṃ cana
śikhaṇḍī samarākāṅkṣī śūraś ca samitiṃjayaḥ
jānanti ca bhavanto 'pi sarvam etad yathātatham
mām eva viśikhais tūrṇam abhidravatu daṃśitaḥ
na prahartum abhīpsāmi gṛhīteṣuṃ kathaṃ cana
śarair ghātayatu kṣipraṃ samantād bharatarṣabha
ṛte kṛṣṇān mahābhāgāt pāṇḍavād vā dhanaṃjayāt
māṃ pātayatu bībhatsur evaṃ te vijayo bhavet
tato jeṣyasi saṃgrāme dhārtarāṣṭrān samāgatān
abhivādya mahātmānaṃ bhīṣmaṃ kurupitāmaham
arjuno duḥkhasaṃtaptaḥ savrīḍam idam abravīt
pitāmahena saṃgrāme kathaṃ yotsyāmi mādhava
pāṃsurūṣitagātreṇa mahātmā paruṣīkṛtaḥ
tātety avocaṃ pitaraṃ pituḥ pāṇḍor mahātmanaḥ
iti mām abravīd bālye yaḥ sa vadhyaḥ kathaṃ mayā
jayo vāstu vadho vā me kathaṃ vā kṛṣṇa manyase
kṣatradharme sthitaḥ pārtha kathaṃ nainaṃ haniṣyasi
nāhatvā yudhi gāṅgeyaṃ vijayas te bhaviṣyati
hantā bhīṣmasya pūrvendra iti tan na tad anyathā
tvad anyaḥ śaknuyād dhantum api vajradharaḥ svayam
yathovāca purā śakraṃ mahābuddhir bṛhaspatiḥ
ātatāyinam āmantrya hanyād ghātakam āgatam
yoddhavyaṃ rakṣitavyaṃ ca yaṣṭavyaṃ cānasūyubhiḥ
dṛṣṭvaiva hi sadā bhīṣmaḥ pāñcālyaṃ vinivartate
gāṅgeyaṃ pātayiṣyāma upāyeneti me matiḥ
śikhaṇḍy api yudhāṃ śreṣṭho bhīṣmam evābhiyāsyatu
kanyā hy eṣā purā jātā puruṣaḥ samapadyata
śayanāni yathāsvāni bhejire puruṣarṣabhāḥ