ājaghāna raṇe pārthān sahasenān samantataḥ
nakulaṃ ca tribhir bāṇaiḥ sahadevaṃ ca saptabhiḥ
dhṛṣṭadyumnaṃ tato viddhvā vinanāda mahābalaḥ
dhṛṣṭadyumnaś ca saptatyā bhīmasenaś ca pañcabhiḥ
yudhiṣṭhiro dvādaśabhiḥ pratyavidhyat pitāmaham
ekaikaṃ pañcabhir bāṇair yamadaṇḍopamaiḥ śitaiḥ
tottrair iva mahānāgaṃ droṇaṃ brāhmaṇapuṃgavam
abhīṣāhāḥ śūrasenāḥ śibayo 'tha vasātayaḥ
saṃgrāme nājahur bhīṣmaṃ vadhyamānāḥ śitaiḥ śaraiḥ
pāṇḍavān abhyavartanta vividhāyudhapāṇayaḥ
tathaiva pāṇḍavā rājan parivavruḥ pitāmaham
gahane 'gnir ivotsṛṣṭaḥ prajajvāla dahan parān
śarasphuliṅgo bhīṣmāgnir dadāha kṣatriyarṣabhān
karṇinālīkanārācaiś chādayām āsa tad balam
muṇḍatālavanānīva cakāra sa rathavrajān
akarot sa mahābāhuḥ sarvaśastrabhṛtāṃ varaḥ
niśamya sarvabhūtāni samakampanta bhārata
nāsajjanta tanutreṣu bhīṣmacāpacyutāḥ śarāḥ
apaśyāma mahārāja hriyamāṇān raṇājire
mahārathāḥ samākhyātāḥ kulaputrās tanutyajaḥ
aparāvartinaḥ sarve suvarṇavikṛtadhvajāḥ
nimagnāḥ paralokāya savājirathakuñjarāḥ
apaśyāma rathān rājañ śataśo 'tha sahasraśaḥ
śaraiḥ sukavacaiś chinnaiḥ paṭṭiśaiś ca viśāṃ pate
anukarṣair upāsaṅgaiś cakrair bhagnaiś ca māriṣa
talatrair aṅgulitraiś ca dhvajaiś ca vinipātitaiḥ
cāpaiś ca bahudhā chinnaiḥ samāstīryata medinī
paripetur drutaṃ tatra śataśo 'tha sahasraśaḥ
nāśaknuvan vārayituṃ bhīṣmabāṇaprapīḍitān
abhajyata mahārāja na ca dvau saha dhāvataḥ
anīkaṃ pāṇḍuputrāṇāṃ hāhābhūtam acetanam
priyaṃ sakhāyaṃ cākrande sakhā daivabalātkṛtaḥ
prakīrya keśān dhāvantaḥ pratyadṛśyanta bhārata
dadṛśe pāṇḍuputrasya sainyam ārtasvaraṃ tadā
uvāca pārthaṃ bībhatsuṃ nigṛhya ratham uttamam
praharāsmai naravyāghra na cen mohāt pramuhyase
virāṭanagare pārtha saṃjayasya samīpataḥ
sānubandhān haniṣyāmi ye māṃ yotsyanti saṃyuge
kṣatradharmam anusmṛtya yudhyasva bharatarṣabha
akāma iva bībhatsur idaṃ vacanam abravīt
duḥkhāni vanavāse vā kiṃ nu me sukṛtaṃ bhavet
pātayiṣyāmi durdharṣaṃ vṛddhaṃ kurupitāmaham
yato bhīṣmas tato rājan duṣprekṣyo raśmivān iva
dṛṣṭvā pārthaṃ mahābāhuṃ bhīṣmāyodyantam āhave
dhanaṃjayarathaṃ śīghraṃ śaravarṣair avākirat
śaravarṣeṇa mahatā na prājñāyata kiṃ cana
codayām āsa tān aśvān vitunnān bhīṣmasāyakaiḥ
pātayām āsa bhīṣmasya dhanuś chittvā śitaiḥ śaraiḥ
nimeṣāntaramātreṇa sajyaṃ cakre pitā tava
athāsya tad api kruddhaś ciccheda dhanur arjunaḥ
sādhu pārtha mahābāho sādhu kuntīsuteti ca
mumoca samare bhīṣmaḥ śarān pārtharathaṃ prati
moghān kurvañ śarāṃs tasya maṇḍalāni vidarśayan
govṛṣāv iva saṃrabdhau viṣāṇollikhitāṅkitau
bhīṣmaṃ ca śaravarṣāṇi sṛjantam aniśaṃ yudhi
varān varān vinighnantaṃ pāṇḍuputrasya sainikān
nāmṛṣyata mahābāhur mādhavaḥ paravīrahā
kruddho nāma mahāyogī pracaskanda mahārathāt
abhidudrāva bhīṣmaṃ sa bhujapraharaṇo balī
dārayann iva padbhyāṃ sa jagatīṃ jagatīśvaraḥ
grasann iva ca cetāṃsi tāvakānāṃ mahāhave
hato bhīṣmo hato bhīṣma iti tatra sma sainikāḥ
krośantaḥ prādravan sarve vāsudevabhayān narāḥ
śuśubhe vidravan bhīṣmaṃ vidyunmālī yathāmbudaḥ
abhidudrāva tejasvī vinadan yādavarṣabhaḥ
asaṃbhramaṃ raṇe bhīṣmo vicakarṣa mahad dhanuḥ
uvāca cainaṃ govindam asaṃbhrāntena cetasā
mām adya sātvataśreṣṭha pātayasva mahāhave
śreya eva paraṃ kṛṣṇa loke 'muṣminn ihaiva ca
saṃbhāvito 'smi govinda trailokyenādya saṃyuge
nijagrāha mahābāhur bāhubhyāṃ parigṛhya vai
jagāma cainam ādāya vegena puruṣottamaḥ
nijaghrāha hṛṣīkeśaṃ kathaṃ cid daśame pade
niḥśvasantaṃ yathā nāgam arjunaḥ paravīrahā
yat tvayā kathitaṃ pūrvaṃ na yotsyāmīti keśava
mamaiṣa bhāraḥ sarvo hi haniṣyāmi yatavratam
antaṃ yathā gamiṣyāmi śatrūṇāṃ śatrukarśana
tārāpatim ivāpūrṇam antakāle yadṛcchayā
nakiṃcid uktvā sakrodha āruroha rathaṃ punaḥ
vavarṣa śaravarṣeṇa megho vṛṣṭyā yathācalau
gabhastibhir ivādityas tejāṃsi śiśirātyaye
tathā pāṇḍavasainyāni babhañja yudhi te pitā
nirīkṣituṃ na śekus te bhīṣmam apratimaṃ raṇe
madhyaṃ gatam ivādityaṃ pratapantaṃ svatejasā
vīkṣāṃ cakrur mahārāja pāṇḍavā bhayapīḍitāḥ
pipīlikā iva kṣuṇṇā durbalā balinā raṇe
bhīṣmaṃ na śekuḥ prativīkṣituṃ te; śarārciṣaṃ sūryam ivātapantam
tato balānāṃ śramakarśitānāṃ; mano 'vahāraṃ prati saṃbabhūva