śrutvā pāṇḍukumārāṇāṃ karma devaiḥ suduṣkaram
cintā me mahatī sūta bhaviṣyati kathaṃ tv iti
yathā hi dṛśyate sarvaṃ daivayogena saṃjaya
pāṇḍavānām anīkāni yodhayanti prahāriṇaḥ
kena dattavarās tāta kiṃ vā jñānaṃ vidanti te
yena kṣayaṃ na gacchanti divi tārāgaṇā iva
mayy eva daṇḍaḥ patati daivāt paramadāruṇaḥ
etan me sarvam ācakṣva yathātattvena saṃjaya
samudrasyeva mahato bhujābhyāṃ prataran naraḥ
ghātayiṣyati me putrān sarvān bhīmo na saṃśayaḥ
dhruvaṃ vināśaḥ samare putrāṇāṃ mama saṃjaya
pṛcchato 'dya yathātattvaṃ sarvam ākhyātum arhasi
bhīṣmadroṇau kṛpaś caiva saubaleyo jayadrathaḥ
drauṇir vāpi maheṣvāso vikarṇo vā mahābalaḥ
vimukheṣu mahāprājña mama putreṣu saṃjaya
naiva mantrakṛtaṃ kiṃ cin naiva māyāṃ tathāvidhām
na vai vibhīṣikāṃ kāṃ cid rājan kurvanti pāṇḍavāḥ
dharmeṇa sarvakāryāṇi kīrtitānīti bhārata
ārabhante sadā pārthāḥ prārthayānā mahad yaśaḥ
śriyā paramayā yuktā yato dharmas tato jayaḥ
tenāvadhyā raṇe pārthā jayayuktāś ca pārthiva
niṣṭhurā hīnakarmāṇas tena hīyanti saṃyuge
nikṛtānīha pāṇḍūnāṃ nīcair iva yathā naraiḥ
sāpahnavāḥ sadaivāsan pāṇḍavāḥ pāṇḍupūrvaja
na cainān bahu manyante putrās tava viśāṃ pate
saṃprāptaṃ sumahad ghoraṃ phalaṃ kiṃpākasaṃnibham
sa tad bhuṅkṣva mahārāja saputraḥ sasuhṛjjanaḥ
vidureṇātha bhīṣmeṇa droṇena ca mahātmanā
vākyaṃ hitaṃ ca pathyaṃ ca martyaḥ pathyam ivauṣadham
putrāṇāṃ matam āsthāya jitān manyasi pāṇḍavān
kāraṇaṃ bharataśreṣṭha pāṇḍavānāṃ jayaṃ prati
tat te 'haṃ kathayiṣyāmi yathāśrutam ariṃdama
dṛṣṭvā bhrātṝn raṇe sarvān nirjitān sumahārathān
pitāmahaṃ mahāprājñaṃ vinayenopagamya ha
yad abravīt sutas te 'sau tan me śṛṇu janeśvara
kṛtavarmā ca hārdikyaḥ kāmbojaś ca sudakṣiṇaḥ
mahārathāḥ samākhyātāḥ kulaputrās tanutyajaḥ
pāṇḍavānāṃ samastāś ca na tiṣṭhanti parākrame
yaṃ samāśritya kaunteyā jayanty asmān pade pade
bahuśaś ca mamokto 'si na ca me tattvayā kṛtam
etat kṣamam ahaṃ manye pṛthivyās tava cābhibho
durhṛdas tāpayan sarvān nandayaṃś cāpi bāndhavān
tad idaṃ samanuprāptaṃ yat pāṇḍūn avamanyase
taṃ śṛṇuṣva mahārāja mama kīrtayataḥ prabho
yo jayet pāṇḍavān saṃkhye pālitāñ śārṅgadhanvanā
purāṇagītaṃ dharmajña tac chṛṇuṣva yathātatham
pitāmaham upāseduḥ parvate gandhamādane
vimānaṃ jājvalad bhāsā sthitaṃ pravaram ambare
namaścakāra hṛṣṭātmā paramaṃ parameśvaram
sthitāḥ prāñjalayaḥ sarve paśyanto mahad adbhutam
jagāda jagataḥ sraṣṭā paraṃ paramadharmavit
viśveśvaro vāsudevo 'si tasmād; yogātmānaṃ daivataṃ tvām upaimi
jaya yogīśvara vibho jaya yogaparāvara
bhūtabhavyabhavan nātha jaya saumyātmajātmaja
nārāyaṇa suduṣpāra jaya śārṅgadhanurdhara
viśveśvara mahābāho jaya lokārthatatpara
harivāsa viśāmīśa viśvāvāsāmitāvyaya
asaṃkhyeyātmabhāvajña jaya gambhīra kāmada
kṛtakārya kṛtaprajña dharmajña vijayājaya
bhūtārthatattva lokeśa jaya bhūtavibhāvana
udbhāvana manodbhāva jaya brahmajanapriya
amṛtodbhava sadbhāva yugāgne vijayaprada
ātmabhūta mahābhūta karmātmañ jaya karmada
mūrtis te 'haṃ surāḥ kāyaś candrādityau ca cakṣuṣī
tejo 'gniḥ pavanaḥ śvāsa āpas te svedasaṃbhavāḥ
vedāḥ saṃskāraniṣṭhā hi tvayīdaṃ jagad āśritam
na balaṃ yogayogīśa jānīmas te na saṃbhavam
arcayāmaḥ sadā viṣṇo parameśaṃ maheśvaram
piśācā mānuṣāś caiva mṛgapakṣisarīsṛpāḥ
padmanābha viśālākṣa kṛṣṇa duḥsvapnanāśana
tvatprasādena deveśa sukhino vibudhāḥ sadā
tasmād bhava viśālākṣa yaduvaṃśavivardhanaḥ
jagato dhāraṇārthāya vijñāpyaṃ kuru me prabho
vāsudeva tad etat te mayodgītaṃ yathātatham
kṛṣṇa tvam ātmanāsrākṣīḥ pradyumnaṃ cātmasaṃbhavam
aniruddho 'sṛjan māṃ vai brahmāṇaṃ lokadhāriṇam
vibhajya bhāgaśo 'tmānaṃ vraja mānuṣatāṃ vibho
dharmaṃ sthāpya yaśaḥ prāpya yogaṃ prāpsyasi tattvataḥ
tais taiś ca nāmabhir bhaktā gāyanti paramātmakam
anādimadhyāntam apārayogaṃ; lokasya setuṃ pravadanti viprāḥ