katham adbhutakarmāṇaṃ bhīmasenaṃ mahābalam
yodhayām āsa samare kaliṅgaḥ saha senayā
mahatyā senayā guptaḥ prāyād bhīmarathaṃ prati
rathanāgāśvakalilāṃ pragṛhītamahāyudhām
ketumantaṃ ca naiṣādim āyāntaṃ saha cedibhiḥ
āsasāda raṇe bhīmaṃ vyūḍhānīkeṣu cediṣu
ayutena gajānāṃ ca niṣādaiḥ saha ketumān
bhīmasenaṃ raṇe rājan samantāt paryavārayat
abhyavartanta sahasā niṣādān saha rājabhiḥ
prajānan na ca yodhān svān parasparajighāṃsayā
yathendrasya mahārāja mahatyā daityasenayā
babhūva sumahāñ śabdaḥ sāgarasyeva garjataḥ
mahīṃ cakruś citāṃ sarvāṃ śaśaśoṇitasaṃnibhām
svān apy ādadate svāś ca śūrāḥ samaradurjayāḥ
kaliṅgaiḥ saha cedīnāṃ niṣādaiś ca viśāṃ pate
bhīmasenaṃ parityajya saṃnyavartanta cedayaḥ
svabāhubalam āsthāya na nyavartata pāṇḍavaḥ
śitair avākiran bāṇaiḥ kaliṅgānāṃ varūthinīm
śakradeva iti khyāto jaghnatuḥ pāṇḍavaṃ śaraiḥ
yodhayām āsa kāliṅgān svabāhubalam āśritaḥ
aśvāñ jaghāna samare bhīmasenasya sāyakaiḥ
vavarṣa śaravarṣāṇi tapānte jalado yathā
śakradevāya cikṣepa sarvaśaikyāyasīṃ gadām
sadhvajaḥ saha sūtena jagāma dharaṇītalam
rathair anekasāhasrair bhimasyāvārayad diśaḥ
udbabarhātha nistriṃśaṃ cikīrṣuḥ karma dāruṇam
nakṣatrair ardhacandraiś ca śātakumbhamayaiś citam
pragṛhya ca śaraṃ ghoram ekaṃ sarpaviṣopamam
prāhiṇod bhīmasenāya vadhākāṅkṣī janeśvaraḥ
bhīmaseno dvidhā rājaṃś ciccheda vipulāsinā
udakrośac ca saṃhṛṣṭas trāsayāno varūthinīm
tomarān prāhiṇoc chīghraṃ caturdaśa śilāśitān
ciccheda sahasā rājann asaṃbhrānto varāsinā
bhānumantam abhiprekṣya prādravat puruṣarṣabhaḥ
nanāda balavan nādaṃ nādayāno nabhastalam
tataḥ svareṇa mahatā vinanāda mahāsvanam
na bhīmaṃ samare mene mānuṣaṃ bharatarṣabha
sāsir vegād avaplutya dantābhyāṃ vāraṇottamam
khaḍgena pṛthunā madhye bhānumantam athācchinat
gurubhārasahaskandhe nāgasyāsim apātayat
ārugṇaḥ sindhuvegena sānumān iva parvataḥ
khaḍgapāṇir adīnātmā atiṣṭhad bhuvi daṃśitaḥ
agnicakram ivāviddhaṃ sarvataḥ pratyadṛśyata
padātīnāṃ ca saṃgheṣu vinighnañ śoṇitokṣitaḥ
śyenavad vyacarad bhīmo raṇe ripubalotkaṭaḥ
khaḍgena śitadhāreṇa saṃyuge gajayodhinām
mohayām āsa ca tadā kālāntakayamopamaḥ
sāsim uttamavegena vicarantaṃ mahāraṇe
jaghāna rathinaś cāpi balavān arimardanaḥ
bhrāntam udbhrāntam āviddham āplutaṃ prasṛtaṃ sṛtam
saṃpātaṃ samudīryaṃ ca darśayām āsa pāṇḍavaḥ
vinedur bhinnamarmāṇo nipetuś ca gatāsavaḥ
viyodhāḥ svāny anīkāni jaghnur bhārata vāraṇāḥ
nipetur urvyāṃ ca tathā vinadanto mahāravān
paristomāni citrāṇi kakṣyāś ca kanakojjvalāḥ
tūṇīrāṇy atha yantrāṇi vicitrāṇi dhanūṃṣi ca
ghaṇṭāś ca vividhā rājan hemagarbhāṃs tsarūn api
patataḥ patitāṃś caiva paśyāmaḥ saha sādibhiḥ
āsīt tasmin samāstīrṇā patitair bhūr nagair iva
aśvārohavarāṃś cāpi pātayām āsa bhārata
tad ghoram abhavad yuddhaṃ tasya teṣāṃ ca bhārata
paristomāś ca prāsāś ca ṛṣṭayaś ca mahādhanāḥ
tatra tatrāpaviddhāni vyadṛśyanta mahāhave
sa cakre vasudhāṃ kīrṇāṃ śabalaiḥ kusumair iva
pātayām āsa khaḍgena sadhvajān api pāṇḍavaḥ
mārgāṃś ca carataś citrān vyasmayanta raṇe janāḥ
khaḍgenānyāṃś ca ciccheda nādenānyāṃś ca bhīṣayan
apare cainam ālokya bhayāt pañcatvam āgatāḥ
parivārya raṇe bhīṣmaṃ bhīmasenam upādravat
śrutāyuṣam abhiprekṣya bhīmasenaḥ samabhyayāt
bhīmasenam ameyātmā pratyavidhyat stanāntare
bhīmasenaḥ prajajvāla krodhenāgnir ivendhanaiḥ
bhīmaṃ saṃpādayām āsa rathena rathasārathiḥ
kaliṅgam abhidudrāva tiṣṭha tiṣṭheti cābravīt
preṣayām āsa saṃkruddho darśayan pāṇilāghavam
samāhato bhṛśaṃ rājan kaliṅgena mahāyaśāḥ
saṃcukrudhe bhṛśaṃ bhīmo daṇḍāhata ivoragaḥ
kaliṅgam avadhīt pārtho bhīmaḥ saptabhir āyasaiḥ
satyadevaṃ ca satyaṃ ca prāhiṇod yamasādanam
ketumantaṃ raṇe bhīmo 'gamayad yamasādanam
anīkair bahusāhasraiḥ kṣatriyāḥ samavārayan
kaliṅgāś ca tato rājan bhīmasenam avākiran
gadām ādāya tarasā pariplutya mahābalaḥ
bhīmaḥ saptaśatān vīrān anayad yamasādanam
prāhiṇon mṛtyulokāya tad adbhutam ivābhavat
bibheda samare vīraḥ prekṣya bhīṣmaṃ mahāvratam
viprajagmur anīkeṣu meghā vātahatā iva
mṛdnantaḥ svāny anīkāni vinadantaḥ śarāturāḥ
sarvakāliṅgasainyānāṃ manāṃsi samakampayat
prākampanta ca sainyāni vāhanāni ca sarvaśaḥ
mārgān bahūn vicaratā dhāvatā ca tatas tataḥ
muhur utpatatā caiva saṃmohaḥ samajāyata
kṣobhyamāṇam asaṃbādhaṃ grāheṇeva mahat saraḥ
punarāvartamāneṣu vidravatsu ca saṃghaśaḥ
abravīt svāny anīkāni yudhyadhvam iti pārṣataḥ
bhīmam evābhyavartanta rathānīkaiḥ prahāribhiḥ
mahatā meghavarṇena nāgānīkena pṛṣṭhataḥ
bhīmasenasya jagrāha pārṣṇiṃ satpuruṣocitām
bhīmasātyakayor anyaḥ prāṇebhyaḥ priyakṛttamaḥ
bhīmasenaṃ mahābāhuṃ pārṣataḥ paravīrahā
śaṅkhaṃ dadhmau ca samare siṃhanādaṃ nanāda ca
kovidāradhvajaṃ dṛṣṭvā bhīmasenaḥ samāśvasat
bhīmasenam ameyātmā trāṇāyājau samabhyayāt
kaliṅgān samare vīrau yodhayantau manasvinau
pārthapārṣatayoḥ pārṣṇiṃ jagrāha puruṣarṣabhaḥ
āsthito raudram ātmānaṃ jaghāna samare parān
rudhirasyandinīṃ tatra bhīmaḥ prāvartayan nadīm
saṃtatāra sudustārāṃ bhīmaseno mahābalaḥ
kālo 'yaṃ bhīmarūpeṇa kaliṅgaiḥ saha yudhyate
abhyayāt tvarito bhīmaṃ vyūḍhānīkaḥ samantataḥ
abhyadravanta bhīṣmasya rathaṃ hemapariṣkṛtam
tribhis tribhiḥ śarair ghorair bhīṣmam ānarchur añjasā
yatamānān maheṣvāsāṃs tribhis tribhir ajihmagaiḥ
hayān kāñcanasaṃnāhān bhīmasya nyahanac charaiḥ
śaktiṃ cikṣepa tarasā gāṅgeyasya rathaṃ prati
tridhā ciccheda samare sā pṛthivyām aśīryata
bhīmaseno rathāt tūrṇaṃ pupluve manujarṣabha
sārathiṃ kuruvṛddhasya pātayām āsa sāyakaiḥ
vātāyamānais tair aśvair apanīto raṇājirāt
prajajvāla yathā vahnir dahan kakṣam ivaidhitaḥ
nainam abhyutsahan ke cit tāvakā bharatarṣabha
paśyatāṃ sarvasainyānām apovāha yaśasvinam
dhṛṣṭadyumnaṃ pariṣvajya sameyād atha sātyakim
praharṣayan yaduvyāghro dhṛṣṭadyumnasya paśyataḥ
śakradevaś ca kāliṅgaḥ kaliṅgāś ca mṛdhe hatāḥ
mahāvyūhaḥ kaliṅgānām ekena mṛditas tvayā
rathād ratham abhidrutya paryaṣvajata pāṇḍavam
tāvakān avadhīt kruddho bhīmasya balam ādadhat