duryodhanaṃ dhārtarāṣṭram abhyabhāṣata vīryavān
paribhūya ca durbuddhe grahītuṃ māṃ cikīrṣasi
ihādityāś ca rudrāś ca vasavaś ca maharṣibhiḥ
tasya saṃsmayataḥ śaurer vidyudrūpā mahātmanaḥ
aṅguṣṭhamātrās tridaśā mumucuḥ pāvakārciṣaḥ
lokapālā bhujeṣv āsann agnir āsyād ajāyata
marutaś ca sahendreṇa viśvedevās tathaiva ca
babhūvuś caiva rūpāṇi yakṣagandharvarakṣasām
dakṣiṇe 'thārjuno dhanvī halī rāmaś ca savyataḥ
andhakā vṛṣṇayaś caiva pradyumnapramukhās tataḥ
śaṅkhacakragadāśaktiśārṅgalāṅgalanandakāḥ
nānābāhuṣu kṛṣṇasya dīpyamānāni sarvaśaḥ
prādurāsan mahāraudrāḥ sadhūmāḥ pāvakārciṣaḥ
romakūpeṣu ca tathā sūryasyeva marīcayaḥ
nyamīlayanta netrāṇi rājānas trastacetasaḥ
saṃjayaṃ ca mahābhāgam ṛṣīṃś caiva tapodhanān
prādāt teṣāṃ sa bhagavān divyaṃ cakṣur janārdanaḥ
devadundubhayo neduḥ puṣpavarṣaṃ papāta ca
vismayaṃ paramaṃ jagmuḥ pārthivā bharatarṣabha
tāṃ divyām adbhutāṃ citrām ṛddhimattām ariṃdamaḥ
ṛṣibhis tair anujñāto niryayau madhusūdanaḥ
tasmin kolāhale vṛtte tad adbhutam abhūt tadā
anujagmur naravyāghraṃ devā iva śatakratum
niścakrāma tataḥ śauriḥ sadhūma iva pāvakaḥ
hemajālavicitreṇa laghunā meghanādinā
sainyasugrīvayuktena pratyadṛśyata dārukaḥ
vṛṣṇīnāṃ saṃmato vīro hārdikyaḥ pratyadṛśyata
dhṛtarāṣṭro mahārājaḥ punar evābhyabhāṣata
pratyakṣaṃ te na te kiṃ cit parokṣaṃ śatrukarśana
viditvaitām avasthāṃ me nātiśaṅkitum arhasi
jñātam eva hi te vākyaṃ yan mayoktaḥ suyodhanaḥ
śame prayatamānaṃ māṃ sarvayatnena mādhava
droṇaṃ pitāmahaṃ bhīṣmaṃ kṣattāraṃ bāhlikaṃ kṛpam
yathā cāśiṣṭavan mando roṣād asakṛd utthitaḥ
āpṛcche bhavataḥ sarvān gamiṣyāmi yudhiṣṭhiram
anujagmur maheṣvāsāḥ pravīrā bharatarṣabhāḥ
aśvatthāmā vikarṇaś ca yuyutsuś ca mahārathaḥ
kurūṇāṃ paśyatāṃ prāyāt pṛthāṃ draṣṭuṃ pitṛṣvasām