chadmaliṅgapraviṣṭānāṃ pāṇḍavānāṃ mahātmanām
kurvatāṃ tasya karmāṇi virāṭasya mahīpateḥ
suśarmaṇā gṛhītaṃ tu godhanaṃ tarasā bahu
apaśyan matsyarājaṃ ca rathāt praskandya kuṇḍalī
sadbhiś ca mantribhiḥ sārdhaṃ pāṇḍavaiś ca nararṣabhaiḥ
so 'bravīd upasaṃgamya virāṭaṃ praṇatas tadā
gavāṃ śatasahasrāṇi trigartāḥ kālayanti te
tān parīpsa manuṣyendra mā neśuḥ paśavas tava
rathanāgāśvakalilāṃ pattidhvajasamākulām
bhānumanti vicitrāṇi sūpasevyāni bhāgaśaḥ
virāṭasya priyo bhrātā śatānīko 'bhyahārayat
śatānīkād avarajo madirāśvo 'bhyahārayat
abhedyakalpaṃ matsyānāṃ rājā kavacam āharat
suvarṇapṛṣṭhaṃ sūryābhaṃ sūryadatto 'bhyahārayat
virāṭasya suto jyeṣṭho vīraḥ śaṅkho 'bhyahārayat
yotsyamānābhyanahyanta devarūpāḥ prahāriṇaḥ
pṛthak kāñcanasaṃnāhān ratheṣv aśvān ayojayan
mahānubhāvo matsyasya dhvaja ucchiśriye tadā
yathāsvaṃ kṣatriyāḥ śūrā ratheṣu samayojayan
kaṅkaballavagopālā dāmagranthiś ca vīryavān
yudhyeyur iti me buddhir vartate nātra saṃśayaḥ
kavacāni vicitrāṇi dṛḍhāni ca mṛdūni ca
pratimuñcantu gātreṣu dīyantām āyudhāni ca
neme jātu na yudhyerann iti me dhīyate matiḥ
śatānīkas tu pārthebhyo rathān rājan samādiśat
sahadevāya rājñe ca bhīmāya nakulāya ca
nirdiṣṭān naradevena rathāñ śīghram ayojayan
virāṭaḥ prādiśad yāni teṣām akliṣṭakarmaṇām
tāny āmucya śarīreṣu daṃśitās te paraṃtapāḥ
virāṭam anvayuḥ paścāt sahitāḥ kurupuṃgavāḥ
catvāro bhrātaraḥ śūrāḥ pāṇḍavāḥ satyavikramāḥ
kṣaranta iva jīmūtāḥ sudantāḥ ṣaṣṭihāyanāḥ
rājānam anvayuḥ paścāc calanta iva parvatāḥ
aṣṭau rathasahasrāṇi daśa nāgaśatāni ca
ṣaṣṭiś cāśvasahasrāṇi matsyānām abhiniryayuḥ
saṃprayātaṃ mahārāja ninīṣantaṃ gavāṃ padam
dṛḍhāyudhajanākīrṇaṃ gajāśvarathasaṃkulam