hutāśanamukhāś cāpi dīptāḥ pāriṣadāṃ gaṇāḥ
parivārya mahāsenaṃ sthitā mātṛgaṇaiḥ saha
āruhyairāvataskandhaṃ prayayau daivataiḥ saha
vijighāṃsur mahāsenam indras tūrṇataraṃ yayau
vicitradhvajasaṃnāhaṃ nānāvāhanakārmukam
pravarāmbarasaṃvītaṃ śriyā juṣṭam alaṃkṛtam
vinadan pathi śakras tu drutaṃ yāti mahābalaḥ
saṃharṣayan devasenāṃ jighāṃsuḥ pāvakātmajam
samīpam upasaṃprāptaḥ kārttikeyasya vāsavaḥ
guho 'pi śabdaṃ taṃ śrutvā vyanadat sāgaro yathā
babhrāma tatra tatraiva devasainyam acetanam
visasarja mukhāt kruddhaḥ pravṛddhāḥ pāvakārciṣaḥ
tā devasainyāny adahan veṣṭamānāni bhūtale
pracyutāḥ sahasā bhānti citrās tārāgaṇā iva
devā vajradharaṃ tyaktvā tataḥ śāntim upāgatāḥ
tad visṛṣṭaṃ jaghānāśu pārśvaṃ skandasya dakṣiṇam
bibheda ca mahārāja pārśvaṃ tasya mahātmanaḥ
yuvā kāñcanasaṃnāhaḥ śaktidhṛg divyakuṇḍalaḥ
yad vajraviśanāj jāto viśākhas tena so 'bhavat
bhayād indras tataḥ skandaṃ prāñjaliḥ śaraṇaṃ gataḥ
tataḥ prahṛṣṭās tridaśā vāditrāṇy abhyavādayan