kāleyāḥ saṃpravartanta trailokyasya vināśane
āśrameṣu ca ye santi punyeṣv āyataneṣu ca
aśītiśatam aṣṭau ca nava cānye tapasvinaḥ
phalamūlāśanānāṃ hi munīnāṃ bhakṣitaṃ śatam
bharadvājāśrame caiva niyatā brahmacāriṇaḥ
vāyvāhārāmbubhakṣāś ca viṃśatiḥ saṃnipātitāḥ
niśāyāṃ paridhāvanti mattā bhujabalāśrayāt
kālopasṛṣṭāḥ kāleyā ghnanto dvijagaṇān bahūn
evaṃ pravṛttān daityāṃs tāṃs tāpaseṣu tapasviṣu
mahītalasthā munayaḥ śarīrair gatajīvitaiḥ
ākīrṇair ācitā bhūmiḥ śaṅkhānām iva rāśibhiḥ
vikīrṇair agnihotraiś ca bhūr babhūva samāvṛtā
jagad āsīn nirutsāhaṃ kāleyabhayapīḍitam
ātmatrāṇaparā bhītāḥ prādravanta diśo bhayāt
apare maraṇodvignā bhayāt prānān samutsṛjan
mārgamāṇāḥ paraṃ yatnaṃ dānavānāṃ pracakrire
śramaṃ jagmuś ca paramam ājagmuḥ kṣayam eva ca
ājagmuḥ paramām ārtiṃ tridaśā manujeśvara
nārāyaṇaṃ puraskṛtya vaikuṇṭham aparājitam
tvaṃ naḥ sraṣṭā ca pātā ca bhartā ca jagataḥ prabho
tvayā sṛṣṭam idaṃ sarvaṃ yac ceṅgaṃ yac ca neṅgati
vārāhaṃ rūpam āsthāya jagadarthe samuddhṛtā
nārasiṃhaṃ vapuḥ kṛtvā sūditaḥ puruṣottama
vāmanaṃ vapur āśritya trailokyād bhraṃśitas tvayā
yajñakṣobhakaraḥ krūras tvayaiva vinipātitaḥ
asmākaṃ bhayabhītānāṃ tvaṃ gatir madhusūdana
rakṣa lokāṃś ca devāṃś ca śakraṃ ca mahato bhayāt