nyavasanta mahābhāgā draupadyā saha pāṇḍavāḥ
dīpyamānaṃ śriyā brāhmyā dīptāgnisamatejasam
vibabhāv atidīptaujā devair iva śatakratuḥ
na jahau dharmataḥ pārthān merum arkaprabhā yathā
āśvāsayad dharmasutaṃ yuktarūpam ivānagha
brūhi dharmabhṛtāṃ śreṣṭha kenārthaḥ kiṃ dadāmi te
uvāca prāñjalir vākyaṃ nāradaṃ devasaṃmitam
kṛtam ity eva manye 'haṃ prasādāt tava suvrata
saṃdehaṃ me muniśreṣṭha hṛdisthaṃ chettum arhasi
kiṃ phalaṃ tasya kārtsnyena tad brahman vaktum arhasi
pulastyasya sakāśād vai sarvam etad upaśrutam
pitryaṃ vrataṃ samāsthāya nyavasan munivat tadā
gaṅgādvāre mahātejā devagandharvasevite
ṛṣīṃś ca toṣayām āsa vidhidṛṣṭena karmaṇā
dadarśādbhutasaṃkāśaṃ pulastyam ṛṣisattamam
praharṣam atulaṃ lebhe vismayaṃ ca paraṃ yayau
bhīṣmo dharmabhṛtāṃ śreṣṭho vidhidṛṣṭena karmaṇā
nāma saṃkīrtayām āsa tasmin brahmarṣisattame
tava saṃdarśanād eva mukto 'haṃ sarvakilbiṣaiḥ
vāgyataḥ prāñjalir bhūtvā tūṣṇīm āsīd yudhiṣṭhira
bhīṣmaṃ kurukulaśreṣṭhaṃ muniḥ prītamanābhavat
satyena ca mahābhāga tuṣṭo 'smi tava sarvaśaḥ
tena paśyasi māṃ putra prītiś cāpi mama tvayi
yad vakṣyasi kuruśreṣṭha tasya dātāsmi te 'nagha
kṛtam ity eva manye 'haṃ yad ahaṃ dṛṣṭavān prabhum
vakṣyāmi hṛtsthaṃ saṃdehaṃ tan me tvaṃ vaktum arhasi
tam ahaṃ śrotum icchāmi pṛthak saṃkīrtitaṃ tvayā
kiṃ phalaṃ tasya viprarṣe tan me brūhi tapodhana
tad ekāgramanās tāta śṛṇu tīrtheṣu yat phalam
vidyā tapaś ca kīrtiś ca sa tīrthaphalam aśnute
ahaṃkāranivṛttaś ca sa tīrthaphalam aśnute
vimuktaḥ sarvadoṣair yaḥ sa tīrthaphalam aśnute
ātmopamaś ca bhūteṣu sa tīrthaphalam aśnute
phalaṃ caiva yathātattvaṃ pretya ceha ca sarvaśaḥ
bahūpakaraṇā yajñā nānāsaṃbhāravistarāḥ
nārthanyūnopakaraṇair ekātmabhir asaṃhataiḥ
tulyo yajñaphalaiḥ puṇyais taṃ nibodha yudhāṃ vara
tīrthābhigamanaṃ puṇyaṃ yajñair api viśiṣyate
adattvā kāñcanaṃ gāś ca daridro nāma jāyate
na tat phalam avāpnoti tīrthābhigamanena yat
puṣkaraṃ nāma vikhyātaṃ mahābhāgaḥ samāviśet
sāṃnidhyaṃ puṣkare yeṣāṃ trisaṃdhyaṃ kurunandana
gandharvāpsarasaś caiva nityaṃ saṃnihitā vibho
divyayogā mahārāja puṇyena mahatānvitāḥ
pūyante sarvapāpāni nākapṛṣṭhe ca pūjyate
uvāsa paramaprīto devadānavasaṃmataḥ
siddhiṃ samabhisaṃprāptāḥ puṇyena mahatānvitāḥ
aśvamedhaṃ daśaguṇaṃ pravadanti manīṣiṇaḥ
tenāsau karmaṇā bhīṣma pretya ceha ca modate
tad vai dadyād brāhmaṇāya śraddhāvān anasūyakaḥ
tenaiva prāpnuyāt prājño hayamedhaphalaṃ naraḥ
na viyoniṃ vrajanty ete snātās tīrthe mahātmanaḥ
phalaṃ tatrākṣayaṃ tasya vardhate bharatarṣabha
upaspṛṣṭaṃ bhavet tena sarvatīrtheṣu bhārata
prāpnuyāc ca naro lokān brahmaṇaḥ sadane 'kṣayān
puṣkare snātamātrasya sarvam eva praṇaśyati
tathaiva puṣkaraṃ rājaṃs tīrthānām ādir ucyate
kratūn sarvān avāpnoti brahmalokaṃ ca gacchati
kārttikīṃ vā vased ekāṃ puṣkare samam eva tat
duṣkaraṃ puṣkare dānaṃ vastuṃ caiva suduṣkaram
pradakṣiṇam upāvṛtto jambūmārgaṃ samāviśet
aśvamedham avāpnoti viṣṇulokaṃ ca gacchati
na durgatim avāpnoti siddhiṃ prāpnoti cottamām
na durgatim avāpnoti svargaloke ca pūjyate
trirātropoṣito rājann agniṣṭomaphalaṃ labhet
kaṇvāśramaṃ samāsādya śrījuṣṭaṃ lokapūjitam
yatra praviṣṭamātro vai pāpebhyo vipramucyate
sarvakāmasamṛddhasya yajñasya phalam aśnute
hayamedhasya yajñasya phalaṃ prāpnoti tatra vai
koṭitīrtham upaspṛśya hayamedhaphalaṃ labhet
nāmnā bhadravaṭaṃ nāma triṣu lokeṣu viśrutam
mahādevaprasādāc ca gāṇapatyam avāpnuyāt
tarpayitvā pitṝn devān agniṣṭomaphalaṃ labhet
agniṣṭomam avāpnoti vimānaṃ cādhirohati
rantidevābhyanujñāto agniṣṭomaphalaṃ labhet
pṛthivyāṃ yatra vai chidraṃ pūrvam āsīd yudhiṣṭhira
tatroṣya rajanīm ekāṃ gosahasraphalaṃ labhet
kapilānāṃ naravyāghra śatasya phalam aśnute
yatra saṃnihito nityaṃ svayam eva hutāśanaḥ
devatānāṃ mukhaṃ vīra analo 'nilasārathiḥ
agniṣṭomātirātrābhyāṃ phalaṃ prāpnoti mānavaḥ
gosahasraphalaṃ prāpya svargaloke mahīyate
dīpyamāno 'gnivan nityaṃ prabhayā bharatarṣabha
prabhāsate yathā somo aśvamedhaṃ ca vindati
viṣṇor durvāsasā yatra varo datto yudhiṣṭhira
tato dvāravatīṃ gacchen niyato niyatāśanaḥ
piṇḍārake naraḥ snātvā labhed bahu suvarṇakam
adyāpi mudrā dṛśyante tad adbhutam ariṃdama
mahādevasya sāṃnidhyaṃ tatraiva bharatarṣabha
tīrthe salilarājasya snātvā prayatamānasaḥ
prāpnoti vāruṇaṃ lokaṃ dīpyamānaḥ svatejasā
aśvamedhaṃ daśaguṇaṃ pravadanti manīṣiṇaḥ
tīrthaṃ kuruvaraśreṣṭha triṣu lokeṣu viśrutam
dṛmīti nāmnā vikhyātaṃ sarvapāpapramocanam
tatra snātvārcayitvā ca rudraṃ devagaṇair vṛtam
janmaprabhṛti pāpāni kṛtāni nudate naraḥ
tatra snātvā naravyāghra hayamedham avāpnuyāt
purā śaucaṃ kṛtaṃ rājan hatvā daivatakaṇṭakān
gamanād eva tasyāṃ hi hayamedham avāpnuyāt
tarpya devān pitṝṃś caiva viṣṇuloke mahīyate
tatra snātvā ca pītvā ca vasūnāṃ saṃmato bhavet
tatra snātvā naraśreṣṭha labhed bahu suvarṇakam
brahmalokam avāpnoti sukṛtī virajā naraḥ
tatra snātvā naraḥ kṣipraṃ śakralokam avāpnuyāt
tatra snātvā bhaved vipro vimalaś candramā yathā
pañca yajñān avāpnoti kramaśo ye 'nukīrtitāḥ
tatra snātvā tu yonyāṃ vai naro bharatasattama
gavāṃ śatasahasrasya phalaṃ caivāpnuyān mahat
pitāmahaṃ namaskṛtya gosahasraphalaṃ labhet
adyāpi yatra dṛśyante matsyāḥ sauvarṇarājatāḥ
sarvapāpaviśuddhātmā gacchec ca paramāṃ gatim
paścimāyāṃ tu saṃdhyāyām upaspṛśya yathāvidhi
pitṝṇām akṣayaṃ dānaṃ pravadanti manīṣiṇaḥ
aśvamedhasahasreṇa śreyān saptārciṣaś caruḥ
abhigamya mahādevam aśvamedhaphalaṃ labhet
ekarātroṣito rājann agniṣṭomaphalaṃ labhet
prasūtir yatra viprāṇāṃ śrūyate bharatarṣabha
devikāyāṃ naraḥ snātvā samabhyarcya maheśvaram
sarvakāmasamṛddhasya yajñasya labhate phalam
tatra snātvā naraḥ kṣipraṃ siddhim āpnoti bhārata
puṣpanyāsa upaspṛśya na śocen maraṇaṃ tataḥ
etāvad devikām āhuḥ puṇyāṃ devarṣisevitām
yatra brahmādayo devāḥ siddhāś ca paramarṣayaḥ
dīrghasatram upāsante dakṣiṇābhir yatavratāḥ
rājasūyāśvamedhābhyāṃ phalaṃ prāpnoti mānavaḥ
gacchaty antarhitā yatra marupṛṣṭhe sarasvatī
camase ca śivodbhede nāgodbhede ca dṛśyate
śivodbhede naraḥ snātvā gosahasraphalaṃ labhet
śaśayānaṃ ca rājendra tīrtham āsādya durlabham
śaśarūpapraticchannāḥ puṣkarā yatra bhārata
snāyante bharataśreṣṭha vṛttāṃ vai kārttikīṃ sadā
gosahasraphalaṃ caiva prāpnuyād bharatarṣabha
tatrābhiṣekaṃ kurvīta pitṛdevārcane rataḥ
gavāmayam avāpnoti kulaṃ caiva samuddharet
purā yatra mahārāja ṛṣikoṭiḥ samāhitā
praharṣeṇa ca saṃviṣṭā devadarśanakāṅkṣayā
evaṃ saṃprasthitā rājann ṛṣayaḥ kila bhārata
teṣāṃ manyupraṇāśārtham ṛṣīṇāṃ bhāvitātmanām
mayā pūrvataraṃ dṛṣṭa iti te menire pṛthak
bhaktyā paramayā rājan varaṃ teṣāṃ pradiṣṭavān
adya prabhṛti yuṣmākaṃ dharmavṛddhir bhaviṣyati
aśvamedham avāpnoti kulaṃ caiva samuddharet
sarasvatyā mahāpuṇyam upāsante janārdanam
abhigacchanti rājendra caitraśuklacaturdaśīm
sarvapāpaviśuddhātmā brahmalokaṃ ca gacchati
satrāvasānam āsādya gosahasraphalaṃ labhet