ayutaṃ bhojayām āsa brāhmaṇānāṃ narādhipaḥ
ahataiś caiva vāsobhir mālyair uccāvacair api
puṇyāhaghoṣas tatrāsīd divaspṛg iva bhārata
pūjayitvā kuruśreṣṭho daivatāni niveśya ca
upatasthur mahātmānaṃ saptarātraṃ yudhiṣṭhiram
tasyāṃ sabhāyāṃ ramyāyāṃ reme śakro yathā divi
āsāṃ cakrur narendrāś ca nānādeśasamāgatāḥ
arvāvasuḥ sumitraś ca maitreyaḥ śunako baliḥ
sumantur jaiminiḥ pailo vyāsaśiṣyās tathā vayam
apsuhomyaś ca dhaumyaś ca āṇīmāṇḍavyakauśikau
mauñjāyano vāyubhakṣaḥ pārāśaryaś ca sārikau
jātūkarṇaḥ śikhāvāṃś ca subalaḥ pārijātakaḥ
pavitrapāṇiḥ sāvarṇir bhālukir gālavas tathā
haribabhruś ca kauṇḍinyo babhrumālī sanātanaḥ
paiṅgo varāhaḥ śunakaḥ śāṇḍilyaś ca mahātapāḥ
karkaro veṇujaṅghaś ca kalāpaḥ kaṭha eva ca
ete cānye ca bahavo vedavedāṅgapāragāḥ
kathayantaḥ kathāḥ puṇyā dharmajñāḥ śucayo 'malāḥ
śrīmān mahātmā dharmātmā muñjaketur vivardhanaḥ
kakṣasenaḥ kṣitipatiḥ kṣemakaś cāparājitaḥ
kāmbojarājaḥ kamalaḥ kampanaś ca mahābalaḥ
yathāsurān kālakeyān devo vajradharas tathā
tathāṅgavaṅgau saha puṇḍrakeṇa; pāṇḍyoḍrarājau saha cāndhrakeṇa
cāṇūro devarātaś ca bhojo bhīmarathaś ca yaḥ
suśarmā cekitānaś ca suratho 'mitrakarṣaṇaḥ
sudharmā cāniruddhaś ca śrutāyuś ca mahābalaḥ
śiśupālaḥ sahasutaḥ karūṣādhipatis tathā
āhuko vipṛthuś caiva gadaḥ sāraṇa eva ca
bhīṣmako 'thāhṛtiś caiva dyumatsenaś ca vīryavān
kekayāś ca maheṣvāsā yajñasenaś ca saumakiḥ
aśikṣanta dhanurvedaṃ rauravājinavāsasaḥ
raukmiṇeyaś ca sāmbaś ca yuyudhānaś ca sātyakiḥ
dhanaṃjayasakhā cātra nityam āste sma tumburuḥ
gītavāditrakuśalāḥ śamyātālaviśāradāḥ
saṃcoditās tumburuṇā gandharvāḥ sahitā jaguḥ
pāṇḍuputrān ṛṣīṃś caiva ramayanta upāsate
divīva devā brahmāṇaṃ yudhiṣṭhiram upāsate