tato 'bravīd vāsudevo vākyaṃ dharmārthasaṃhitam
saṃmāno 'bhyadhikas tena prayukto 'yam asaṃśayam
svayaṃvaram anādhṛṣyaṃ manyate cāpi pāṇḍavaḥ
vikrayaṃ cāpy apatyasya kaḥ kuryāt puruṣo bhuvi
ataḥ prasahya hṛtavān kanyāṃ dharmeṇa pāṇḍavaḥ
eṣa cāpīdṛśaḥ pārthaḥ prasahya hṛtavān iti
kuntibhojātmajāputraṃ ko bubhūṣeta nārjunam
api sarveṣu lokeṣu sendrarudreṣu māriṣa
yoddhā pārthaś ca śīghrāstraḥ ko nu tena samo bhavet
nivartayadhvaṃ saṃhṛṣṭā mamaiṣā paramā matiḥ
praṇaśyed vo yaśaḥ sadyo na tu sāntve parājayaḥ
nivṛttaś cārjunas tatra vivāhaṃ kṛtavāṃs tataḥ
puṣkareṣu tataḥ śiṣṭaṃ kālaṃ vartitavān prabhuḥ
pūrṇe tu dvādaśe varṣe khāṇḍavaprastham āviśat
abhyarcya brāhmaṇān pārtho draupadīm abhijagmivān
tatraiva gaccha kaunteya yatra sā sātvatātmajā
subaddhasyāpi bhārasya pūrvabandhaḥ ślathāyate
sāntvayām āsa bhūyaś ca kṣamayām āsa cāsakṛt
pārthaḥ prasthāpayām āsa kṛtvā gopālikāvapuḥ
bhavanaṃ śreṣṭham āsādya vīrapatnī varāṅganā
vavande pṛthutāmrākṣī pṛthāṃ bhadrā yaśasvinī
vavande draupadīṃ bhadrā preṣyāham iti cābravīt
sasvaje cāvadat prītā niḥsapatno 'stu te patiḥ
tathaiva muditā bhadrā tām uvācaivam astv iti
kuntī ca paramaprītā babhūva janamejaya
arjunaṃ pāṇḍavaśreṣṭham indraprasthagataṃ tadā
vṛṣṇyandhakamahāmātraiḥ saha vīrair mahārathaiḥ
sainyena mahatā śaurir abhiguptaḥ paraṃtapaḥ
akrūro vṛṣṇivīrāṇāṃ senāpatir ariṃdamaḥ
sākṣād bṛhaspateḥ śiṣyo mahābuddhir mahāyaśāḥ
pradyumnaś caiva sāmbaś ca niśaṭhaḥ śaṅkur eva ca
sāraṇaś ca mahābāhur gadaś ca viduṣāṃ varaḥ
ājagmuḥ khāṇḍavaprastham ādāya haraṇaṃ bahu
pratigrahārthaṃ kṛṣṇasya yamau prāsthāpayat tadā
viveśa khāṇḍavaprasthaṃ patākādhvajaśobhitam
candanasya rasaiḥ śītaiḥ puṇyagandhair niṣevitam
susaṃmṛṣṭajanākīrṇaṃ vaṇigbhir upaśobhitam
vṛṣṇyandhakamahābhojaiḥ saṃvṛtaḥ puruṣottamaḥ
viveśa bhavanaṃ rājñaḥ puraṃdaragṛhopamam
mūrdhni keśavam āghrāya paryaṣvajata bāhunā
bhīmaṃ ca puruṣavyāghraṃ vidhivat pratyapūjayat
pratijagrāha satkārair yathāvidhi yathopagam
kāṃś cid abhyavadat premṇā kaiś cid apy abhivāditaḥ
haraṇaṃ vai subhadrāyā jñātideyaṃ mahāyaśāḥ
caturyujām upetānāṃ sūtaiḥ kuśalasaṃmataiḥ
sahasraṃ pradadau kṛṣṇo gavām ayutam eva ca
vaḍavānāṃ ca śubhrāṇāṃ candrāṃśusamavarcasām
dadau janārdanaḥ prītyā sahasraṃ hemabhūṣaṇam
śatāny añjanakeśīnāṃ śvetānāṃ pañca pañca ca
strīṇāṃ sahasraṃ gaurīṇāṃ suveṣāṇāṃ suvarcasām
paricaryāsu dakṣāṇāṃ pradadau puṣkarekṣaṇaḥ
manuṣyabhārān dāśārho dadau daśa janārdanaḥ
girikūṭanikāśānāṃ samareṣv anivartinām
hastyārohair upetānāṃ sahasraṃ sāhasapriyaḥ
prīyamāṇo haladharaḥ saṃbandhaprītim āvahan
mahāgajamahāgrāhaḥ patākāśaivalākulaḥ
pūrṇam āpūrayaṃs teṣāṃ dviṣac chokāvaho 'bhavat
pūjayām āsa tāṃś caiva vṛṣṇyandhakamahārathān
vijahrur amarāvāse narāḥ sukṛtino yathā
yathāyogaṃ yathāprīti vijahruḥ kuruvṛṣṇayaḥ
pūjitāḥ kurubhir jagmuḥ punar dvāravatīṃ purīm
ratnāny ādāya śubhrāṇi dattāni kurusattamaiḥ
uvāsa nagare ramye śakraprasthe mahāmanāḥ
vyacarad yamunākūle pārthena saha bhārata
jayantam iva paulomī dyutimantam ajījanat
subhadrā suṣuve vīram abhimanyuṃ nararṣabham
abhimanyum iti prāhur ārjuniṃ puruṣarṣabham
makhe nirmathyamānād vā śamīgarbhād dhutāśanaḥ
ayutaṃ gā dvijātibhyaḥ prādān niṣkāṃś ca tāvataḥ
pitṝṇāṃ caiva sarveṣāṃ prajānām iva candramāḥ
sa cāpi vavṛdhe bālaḥ śuklapakṣe yathā śaśī
arjunād veda vedajñāt sakalaṃ divyamānuṣam
kriyāsv api ca sarvāsu viśeṣān abhyaśikṣayat
tutoṣa putraṃ saubhadraṃ prekṣamāṇo dhanaṃjayaḥ
durdharṣam ṛṣabhaskandhaṃ vyāttānanam ivoragam
meghadundubhinirghoṣaṃ pūrṇacandranibhānanam
dadarśa putraṃ bībhatsur maghavān iva taṃ yathā
lebhe pañca sutān vīrāñ śubhān pañcācalān iva
arjunāc chrutakarmāṇaṃ śatānīkaṃ ca nākulim
pāñcālī suṣuve vīrān ādityān aditir yathā
parapraharaṇajñāne prativindhyo bhavatv ayam
sutasomaṃ maheṣvāsaṃ suṣuve bhīmasenataḥ
jātaḥ putras tavety evaṃ śrutakarmā tato 'bhavat
cakre putraṃ sanāmānaṃ nakulaḥ kīrtivardhanam
sahadevāt sutaṃ tasmāc chrutaseneti taṃ viduḥ
anvajāyanta rājendra parasparahite ratāḥ
cakāra vidhivad dhaumyas teṣāṃ bharatasattama
jagṛhuḥ sarvam iṣvastram arjunād divyamānuṣam
anvitā rājaśārdūla pāṇḍavā mudam āpnuvan