viviṃśatir vikarṇaś ca saho duḥśāsanaḥ samaḥ
ugrāyudho balākī ca kanakāyur virocanaḥ
nandako bāhuśālī ca kuṇḍajo vikaṭas tathā
karṇena sahitā vīrās tvadarthaṃ samupāgatāḥ
śatasaṃkhyā mahātmānaḥ prathitāḥ kṣatriyarṣabhāḥ
ete gāndhārarājasya sutāḥ sarve samāgatāḥ
samavetau mahātmānau tvadarthe samalaṃkṛtau
sahadevo jayatseno meghasaṃdhiś ca māgadhaḥ
vārdhakṣemiḥ suvarcāś ca senābinduś ca pārthivaḥ
sumitraḥ sukumāraś ca vṛkaḥ satyadhṛtis tathā
aṃśumāṃś cekitānaś ca śreṇimāṃś ca mahābalaḥ
jalasaṃdhaḥ pitāputrau sudaṇḍo daṇḍa eva ca
kaliṅgas tāmraliptaś ca pattanādhipatis tathā
rukmāṅgadena vīreṇa tathā rukmarathena ca
samavetās trayaḥ śūrā bhūrir bhūriśravāḥ śalaḥ
bṛhadbalaḥ suṣeṇaś ca śibir auśīnaras tathā
sāmbaś ca cārudeṣṇaś ca sāraṇo 'tha gadas tathā
kṛtavarmā ca hārdikyaḥ pṛthur vipṛthur eva ca
vīro vātapatiś caiva jhillī piṇḍārakas tathā
uśīnaraś ca vikrānto vṛṣṇayas te prakīrtitāḥ
bṛhadratho bāhlikaś ca śrutāyuś ca mahārathaḥ
vatsarājaś ca dhṛtimān kosalādhipatis tathā
tvadartham āgatā bhadre kṣatriyāḥ prathitā bhuvi
vidhyeta ya imaṃ lakṣyaṃ varayethāḥ śubhe 'dya tam