dṛṣṭvā droṇo 'bravīd rājan dhṛtarāṣṭraṃ janeśvaram
gāṅgeyasya ca sāṃnidhye vyāsasya vidurasya ca
te darśayeyuḥ svāṃ śikṣāṃ rājann anumate tava
bhāradvāja mahat karma kṛtaṃ te dvijasattama
tathā tathā vidhānāya svayam ājñāpayasva mām
astrahetoḥ parākrāntān ye me drakṣyanti putrakān
na hīdṛśaṃ priyaṃ manye bhavitā dharmavatsala
bhāradvājo mahāprājño māpayām āsa medinīm
samām avṛkṣāṃ nirgulmām udakpravaṇasaṃsthitām
avaghuṣṭaṃ pure cāpi tadarthaṃ vadatāṃ vara
prekṣāgāraṃ suvihitaṃ cakrus tatra ca śilpinaḥ
rājñaḥ sarvāyudhopetaṃ strīṇāṃ caiva nararṣabha
vipulān ucchrayopetāñ śibikāś ca mahādhanāḥ
bhīṣmaṃ pramukhataḥ kṛtvā kṛpaṃ cācāryasattamam
śātakumbhamayaṃ divyaṃ prekṣāgāram upāgamat
striyaś ca sarvā yā rājñaḥ sapreṣyāḥ saparicchadāḥ
harṣād āruruhur mañcān meruṃ devastriyo yathā
darśanepsu samabhyāgāt kumārāṇāṃ kṛtāstratām
mahārṇava iva kṣubdhaḥ samājaḥ so 'bhavat tadā
śuklakeśaḥ sitaśmaśruḥ śuklamālyānulepanaḥ
nabho jaladharair hīnaṃ sāṅgāraka ivāṃśumān
brāhmaṇāṃś cātra mantrajñān vācayām āsa maṅgalam
viviśur vividhaṃ gṛhya śastropakaraṇaṃ narāḥ
baddhatūṇāḥ sadhanuṣo viviśur bharatarṣabhāḥ
cakrur astraṃ mahāvīryāḥ kumārāḥ paramādbhutam
manujā dhṛṣṭam apare vīkṣāṃ cakruḥ savismayāḥ
vividhair lāghavotsṛṣṭair uhyanto vājibhir drutam
gandharvanagarākāraṃ prekṣya te vismitābhavan
vismayotphullanayanāḥ sādhu sādhv iti bhārata
gajapṛṣṭhe 'śvapṛṣṭhe ca niyuddhe ca mahābalāḥ
tsarumārgān yathoddiṣṭāṃś ceruḥ sarvāsu bhūmiṣu
dadṛśus tatra sarveṣāṃ prayoge khaḍgacarmaṇām
avatīrṇau gadāhastāv ekaśṛṅgāv ivācalau
bṛṃhantau vāśitāhetoḥ samadāv iva kuñjarau
ceratur nirmalagadau samadāv iva govṛṣau
nyavedayetāṃ tat sarvaṃ kumārāṇāṃ viceṣṭitam