astre ca paramaṃ yogaṃ priyo droṇasya cābhavat
andhakāre 'rjunāyānnaṃ na deyaṃ te kathaṃ cana
tena tatra pradīpaḥ sa dīpyamāno nivāpitaḥ
hastas tejasvino nityam annagrahaṇakāraṇāt
tad abhyāsakṛtaṃ matvā rātrāv abhyasta pāṇḍavaḥ
upetya cainam utthāya pariṣvajyedam abravīt
tvatsamo bhavitā loke satyam etad bravīmi te
aśveṣu bhūmāv api ca raṇaśikṣām aśikṣayat
droṇaḥ saṃkīrṇayuddheṣu śikṣayām āsa pāṇḍavam
rājāno rājaputrāś ca samājagmuḥ sahasraśaḥ
ekalavyo mahārāja droṇam abhyājagāma ha
śiṣyaṃ dhanuṣi dharmajñas teṣām evānvavekṣayā
araṇyam anusaṃprāptaḥ kṛtvā droṇaṃ mahīmayam
iṣvastre yogam ātasthe paraṃ niyamam āsthitaḥ
vimokṣādānasaṃdhāne laghutvaṃ param āpa saḥ
rathair viniryayuḥ sarve mṛgayām arimardanāḥ
rājann anujagāmaikaḥ śvānam ādāya pāṇḍavān
śvā caran sa vane mūḍho naiṣādiṃ prati jagmivān
naiṣādiṃ śvā samālakṣya bhaṣaṃs tasthau tadantike
lāghavaṃ darśayann astre mumoca yugapad yathā
taṃ dṛṣṭvā pāṇḍavā vīrā vismayaṃ paramaṃ yayuḥ
prekṣya taṃ vrīḍitāś cāsan praśaśaṃsuś ca sarvaśaḥ
dadṛśuḥ pāṇḍavā rājann asyantam aniśaṃ śarān
athainaṃ paripapracchuḥ ko bhavān kasya vety uta
droṇaśiṣyaṃ ca māṃ vitta dhanurvedakṛtaśramam
yathāvṛttaṃ ca te sarvaṃ droṇāyācakhyur adbhutam
raho droṇaṃ samāgamya praṇayād idam abravīt
bhavatokto na me śiṣyas tvadviśiṣṭo bhaviṣyati
asty anyo bhavataḥ śiṣyo niṣādādhipateḥ sutaḥ
savyasācinam ādāya naiṣādiṃ prati jagmivān
ekalavyaṃ dhanuṣpāṇim asyantam aniśaṃ śarān
abhigamyopasaṃgṛhya jagāma śirasā mahīm
nivedya śiṣyam ātmānaṃ tasthau prāñjalir agrataḥ
yadi śiṣyo 'si me tūrṇaṃ vetanaṃ saṃpradīyatām
kiṃ prayacchāmi bhagavann ājñāpayatu māṃ guruḥ
tam abravīt tvayāṅguṣṭho dakṣiṇo dīyatāṃ mama
pratijñām ātmano rakṣan satye ca nirataḥ sadā
chittvāvicārya taṃ prādād droṇāyāṅguṣṭham ātmanaḥ
na tathā sa tu śīghro 'bhūd yathā pūrvaṃ narādhipa
droṇaś ca satyavāg āsīn nānyo 'bhyabhavad arjunam
duryodhanaś ca bhīmaś ca kurūṇām abhyagacchatām
tathāti puruṣān anyān tsārukau yamajāv ubhau
yudhiṣṭhiro rathaśreṣṭhaḥ sarvatra tu dhanaṃjayaḥ
buddhiyogabalotsāhaiḥ sarvāstreṣu ca pāṇḍavaḥ
tulyeṣv astropadeśeṣu sauṣṭhavena ca vīryavān
ekaḥ sarvakumārāṇāṃ babhūvātiratho 'rjunaḥ
dhārtarāṣṭrā durātmāno nāmṛṣyanta narādhipa
droṇaḥ praharaṇajñāne jijñāsuḥ puruṣarṣabha
avijñātaṃ kumārāṇāṃ lakṣyabhūtam upādiśat
bhāsam etaṃ samuddiśya tiṣṭhantāṃ saṃhiteṣavaḥ
ekaikaśo niyokṣyāmi tathā kuruta putrakāḥ
saṃdhatsva bāṇaṃ durdharṣa madvākyānte vimuñca ca
tasthau bhāsaṃ samuddiśya guruvākyapracoditaḥ
sa muhūrtād uvācedaṃ vacanaṃ bharatarṣabha
paśyāmīty evam ācāryaṃ pratyuvāca yudhiṣṭhiraḥ
atha vṛkṣam imaṃ māṃ vā bhrātṝn vāpi prapaśyasi
bhavantaṃ ca tathā bhrātṝn bhāsaṃ ceti punaḥ punaḥ
naitac chakyaṃ tvayā veddhuṃ lakṣyam ity eva kutsayan
tenaiva kramayogena jijñāsuḥ paryapṛcchata
tathā ca sarve sarvaṃ tat paśyāma iti kutsitāḥ
tvayedānīṃ prahartavyam etal lakṣyaṃ niśamyatām
vitatya kārmukaṃ putra tiṣṭha tāvan muhūrtakam
tasthau lakṣyaṃ samuddiśya guruvākyapracoditaḥ
paśyasy enaṃ sthitaṃ bhāsaṃ drumaṃ mām api vety uta
na tu vṛkṣaṃ bhavantaṃ vā paśyāmīti ca bhārata
pratyabhāṣata durdharṣaḥ pāṇḍavānāṃ ratharṣabham
śiraḥ paśyāmi bhāsasya na gātram iti so 'bravīt
muñcasvety abravīt pārthaṃ sa mumocāvicārayan
śira utkṛtya tarasā pātayām āsa pāṇḍavaḥ
mene ca drupadaṃ saṃkhye sānubandhaṃ parājitam
jagāma gaṅgām abhito majjituṃ bharatarṣabha
grāho jagrāha balavāñ jaṅghānte kālacoditaḥ
grāhaṃ hatvā mokṣayadhvaṃ mām iti tvarayann iva
āvāpaiḥ pañcabhir grāhaṃ magnam ambhasy atāḍayat
itare tu visaṃmūḍhās tatra tatra prapedire
viśiṣṭaṃ sarvaśiṣyebhyaḥ prītimāṃś cābhavat tadā
grāhaḥ pañcatvam āpede jaṅghāṃ tyaktvā mahātmanaḥ
gṛhāṇedaṃ mahābāho viśiṣṭam atidurdharam
astraṃ brahmaśiro nāma saprayoganivartanam
jagad vinirdahed etad alpatejasi pātitam
tad dhārayethāḥ prayataḥ śṛṇu cedaṃ vaco mama
tadvadhāya prayuñjīthās tadāstram idam āhave
jagrāha paramāstraṃ tad āha cainaṃ punar guruḥ
bhavitā tvatsamo nānyaḥ pumāṃl loke dhanurdharaḥ