duhitā kuntibhojasya kṛte pitrā svayaṃvare
bhūmipālasahasrāṇāṃ madhye pāṇḍum avindata
yuyuje 'mitasaubhāgyaḥ paulomyā maghavān iva
viśrutā triṣu lokeṣu mādrī madrapateḥ sutā
pāṇḍor arthe parikrītā dhanena mahatā tadā
vivāhaṃ kārayām āsa bhīṣmaḥ pāṇḍor mahātmanaḥ
pāṇḍuṃ dṛṣṭvā naravyāghraṃ vyasmayanta narā bhuvi
jigīṣamāṇo vasudhāṃ yayau śatrūn anekaśaḥ
pāṇḍunā narasiṃhena kauravāṇāṃ yaśobhṛtā
prabhūtahastyaśvarathāṃ padātigaṇasaṃkulām
goptā magadharāṣṭrasya dārvo rājagṛhe hataḥ
pāṇḍunā mithilāṃ gatvā videhāḥ samare jitāḥ
svabāhubalavīryeṇa kurūṇām akarod yaśaḥ
pāṇḍupāvakam āsādya vyadahyanta narādhipāḥ
pāṇḍunā vaśagāḥ kṛtvā karakarmasu yojitāḥ
tam ekaṃ menire śūraṃ deveṣv iva puraṃdaram
upājagmur dhanaṃ gṛhya ratnāni vividhāni ca
goratnāny aśvaratnāni ratharatnāni kuñjarān
tat sarvaṃ pratijagrāha rājā nāgapurādhipaḥ
harṣayiṣyan svarāṣṭrāṇi puraṃ ca gajasāhvayam
pranaṣṭaḥ kīrtijaḥ śabdaḥ pāṇḍunā punar uddhṛtaḥ
te nāgapurasiṃhena pāṇḍunā karadāḥ kṛtāḥ
pratītamanaso hṛṣṭāḥ paurajānapadaiḥ saha
te nadūram ivādhvānaṃ gatvā nāgapurālayāḥ
āvṛtaṃ dadṛśur lokaṃ hṛṣṭā bahuvidhair janaiḥ
hastyaśvaratharatnaiś ca gobhir uṣṭrair athāvikaiḥ
nāntaṃ dadṛśur āsādya bhīṣmeṇa saha kauravāḥ
yathārhaṃ mānayām āsa paurajānapadān api
putram āsādya bhīṣmas tu harṣād aśrūṇy avartayat
harṣayan sarvaśaḥ paurān viveśa gajasāhvayam